గణతంత్ర వేడుకల్లో నారీ శక్తి సత్తా చాటింది. రాజపథ్లో నిర్వహించిన కవాతులో వివిధ దళాలకు మహిళలు నేతృత్వం వహించారు.
ఫ్లైట్ లెఫ్టినెంట్ భావనా కాంత్..
భారత్లోని తొలి ముగ్గురు మహిళా పైలట్లలో ఒకరైన భావనా కాంత్.. రిపబ్లిక్ డే పరేడ్ సందర్భంగా వాయుసేన కవాతులో పాల్గొన్నారు. ఆ ఘనత సాధించిన తొలి మహిళగా నిలిచారు.
2017 నవంబరులో వాయుసేనలో చేరారు భావన. 2018 మార్చిలో తొలి ఎంఐజీ-21 బైసన్ యుద్ధవిమానాన్ని నడిపారు. ప్రస్తుతం పశ్చిమ సెక్టార్ ఫైటర్ బేస్లో విధులు నిర్వహిస్తున్నారు.
కెప్టెన్ ప్రీతి చౌదరి
140 ఎయిర్ డిఫెన్స్ రెజిమెంట్కు చెందిన కెప్టెన్ ప్రీతి చౌదరి, అత్యాధునిక షిల్కా ఆయుధ వ్యవస్థకు నేతృత్వం వహించారు. సైన్యంలోని ఉన్న ఏకైక కంటిన్జెంట్ కమాండర్.. కెప్టెన్ ప్రీతి చౌదరి.
ఆధునిక రాడార్, డిజిటల్ ఫైర్ కంట్రోల్ కంప్యూటర్స్ వంటివి షిల్కా ఆయుధ వ్యవస్థలో భాగం.
ఎన్సీసీకి సమృద్ధి
మహారాష్ట్రలోని ఎన్సీసీ డైరెక్టరేట్కు చెందిన సీనియర్ అండర్ ఆఫీసర్ సమృద్ధి హర్షల్ సంత్ ఆధ్వర్యంలో ఎన్సీసీ మహిళా దళం పరేడ్ నిర్వహించింది.
ఇదీ చదవండి : బడుగు దేశాలకు అండగా భారత్
