భారత్నెట్ అమలుకు కేంద్ర మంత్రివర్గం ఆమోదం తెలిపింది. ప్రభుత్వ- ప్రైవేట్ భాగస్వామ్యం(పీపీపీ) విధానంలో 16 రాష్ట్రాల్లో భారత్నెట్ పథకం అమలు చేయనుంది. ఇందుకుగాను రూ.19,041 కోట్లు కేటాయించినట్లు కేంద్ర ఐటీ మంత్రి రవిశంకర్ ప్రసాద్ తెలిపారు.
16 రాష్ట్రాల్లో 3 లక్షల 60 వేల గ్రామాల్లో దాదాపు రూ.29,430 కోట్లు ఖర్చుచేయనున్నట్లు కేంద్ర మంత్రి రవిశంకర్ చెప్పారు. ప్రస్తుతం కేటాయించిన రూ. 19,041 కోట్లను విడతలవారీగా అందించనున్నట్లు పేర్కొన్నారు. దేశంలో ఆరు లక్షల గ్రామాల్లో బ్రాండ్ బ్యాండ్ సౌకర్యం అందించాలని గత ఏడాది ఆగస్టులో ప్రధాని నరేంద్ర మోదీ ప్రకటించిన అనంతరం ప్రైవేట్కు కూడా అనుమతి ఇచ్చినట్లు తెలిపారు.
దేశంలో ఇప్పటివరకు 1.56 లక్షల గ్రామాలకు బ్రాడ్ బ్యాండ్ సౌకర్యం అందించినట్లు పేర్కొన్నారు రవిశంకర్.
