బిహార్లోని బక్సర్ జిల్లా అహిరౌలీ గ్రామంలో ఉన్న ప్రముఖ రాజకీయ వ్యూహకర్త ప్రశాంత్ కిశోర్ పూర్వికుల ఇంటి ప్రహరీని అధికారులు శుక్రవారం కూల్చివేశారు. భవనం ప్రహరి గోడ, గేట్లను బుల్డోజర్ సాయంతో తొలగించారు. రోడ్డు విస్తరణలో భాగంగా ఈ చర్యలు చేపడుతున్నట్టు అధికారులు స్పష్టం చేశారు. ఈ సమయంలో స్థానికులు పెద్ద ఎత్తున అక్కడికి చేరుకున్నారు.
నోటీసులు పంపించాము..
ఈ ఇంటిని ప్రశాంత్ కిశోర్ తండ్రి నిర్మించారని.. ఆయన చనిపోయాక ఇక్కడ ఎవరూ నివసించట్లేదని ఇంటి కాపలాదారులు వెల్లడించారు. ఈ చర్యలకు సంబంధించి ఇప్పటికే ప్రశాంత్ కిశోర్కు సమాచారం అందించామని అధికారులు స్పష్టం చేశారు. ప్రశాంత్ నష్టపరిహారాన్ని తీసుకునేందుకు తిరస్కరించారని పేర్కొన్నారు. భవన ప్రాంగణంలో కొంత భాగాన్ని జాతీయ రహదారుల ప్రాధికార సంస్థ పరిధిలోకి తీసుకున్నట్టు తెలుస్తోంది.
ఇదీ చదవండి : ఇకపై డీఎంకే అధినేత స్టాలిన్కు అండగా పీకే
