బాంబే హైకోర్టు ప్రత్యేక ధర్మాసనం బుధవారం ఏకధాటిగా 12 గంటల పాటు విచారణ చేపట్టింది. జస్టిస్ ఎస్జే ఖతావాలా, జస్టిస్ ఎస్పీ తావ్డేతో కూడిన ధర్మాసనం ఉదయం 10.45కి ప్రారంభించి రాత్రి 11.15 వరకు విచారణలను కొనసాగించింది. వర్చువల్గా చేపడుతున్న ఈ విచారణల్లో న్యాయమూర్తులు భోజన విరామం కూడా తీసుకోకుండా 80 కేసులకు సంబంధించిన వాదనలు విన్నారు. కేవలం సాయంత్రం ఓసారి టీ బ్రేక్ తీసుకున్నట్టు సమాచారం.
వీటిలో ఎల్గార్ పరిషత్ నిందితుల బెయిల్, చికిత్స సహా మహారాష్ట్ర మాజీ హోంమంత్రి అనిల్ దేశ్ముఖ్పై ఉన్న అవినీతి ఆరోపణల కేసులను కూడా ధర్మాసనం విచారణ చేపట్టింది.
ఇదివరకు కూడా జస్టిస్ ఎస్జే ఖతావాలా ఇలాగే విచారణ చేపట్టారు. 2018 మే నెలలో తెల్లవారుజామున 3.30 గంటల వరకు వాదనలను విన్నారు.
ఇదీ చదవండి : పల్లె ప్రాంతాల్లో కరోనా కట్టడి ముఖ్యం!
