తమిళనాడులో 'వెట్రివేల్ యాత్ర'ను రాష్ట్ర భాజపా అధ్యక్షుడు మురుగన్ శుక్రవారం ప్రారంభించారు. ఇందుకు రాష్ట్ర ప్రభుత్వం అనుమతిని నిరాకరించినా.. యాత్రను కొనసాగించాలని నిర్ణయం తీసుకున్నట్లు ఆయన తెలిపారు.
"మత పరమైన విశ్వాసాలు పాటించటం రాజ్యాంగబద్ధమైన హక్కు. యాత్ర నిర్వహించడానికి ఆ దేవుడి అనుమతి మాకు ఉంది. అందుకే యాత్రను ప్రారంభించడానికి నేను తిరుత్తనికి వెళుతున్నా."
- మురుగన్, తమిళనాడు భాజపా అధ్యక్షుడు
అయితే, ప్రభుత్వ ఆదేశాల నేపథ్యంలో మురుగన్ బృందాన్ని చెన్నైలో పోలీసులు అడ్డుకున్నారు. యాత్రను కొనసాగించేందుకు మురుగన్ ఒక్కరికే అవకాశం ఇచ్చారు. ఆయన మద్దతుదారులను పాల్గొనకూడదని స్పష్టం చేశారు.
నెలరోజుల యాత్ర..
వెట్రివేల్ యాత్ర నెలరోజుల పాటు కొనసాగుతుంది. ఉత్తర తమిళనాడులో తిరుత్తని నుంచి తిరుచెందూర్ వరకు ఆరు మురుగన్ ఆలయాల మీదగా సాగుతుంది.
కరోనా నేపథ్యంలో వెట్రివేల్ యాత్రకు అనుమతి నిరాకరించినట్లు మద్రాసు హైకోర్టుకు రాష్ట్ర ప్రభుత్వం గురువారం తెలిపింది.
ఇదీ చూడండి: 2021 ఎన్నికల బరిలో కమల్ హాసన్
