'రైతు ఉద్యమాన్ని బలోపేతం చేసేందుకు సహకరిస్తాం'

రైతు సంఘం నాయకుడు రాకేశ్​ టికాయిత్​తో భీమ్​ ఆర్మీ చీఫ్​ చంద్రశేఖర్ ఆజాద్ ​ఘాజీపుర్​లో శుక్రవారం సమావేశమయ్యారు. వ్యవసాయ చట్టాలకు వ్యతిరేకంగా ఉద్యమాన్ని బలోపేతం చేసే దిశగా సహకారం అందిస్తామన్నారు.

భీమ్​ ఆర్మీ అధినేత చంద్రశేఖర్​ ఆజాద్​.. రైతు సంఘం నాయకుడు రాకేశ్​ టికాయిత్​తో శుక్రవారం సమావేశమయ్యారు. రైతు ఉద్యమానికి మద్దతిస్తామన్నారు. పడమర ఉత్తర్​ ప్రదేశ్​కు టికాయిత్​గర్వకారణమని ప్రశంసించారు. రాకేశ్​కు భీమ్​ ఆర్మీ మద్దతు పూర్తిగా ఉంటుందన్నారు. ఉద్యమాన్ని నీరుగార్చేందుకు కేంద్రం శాయశక్తులా ప్రయత్నిస్తోందన్నారు. శాంతియుతంగానే నిరసనలు కొనసాగించాలని.. పక్కదారి పట్టొద్దని అన్నదాతలను కోరారు. మరోవైపు యూపీ గేట్​ వద్ద ఆందోళనలు చేస్తున్న రైతులు.. తక్షణమే ఆ ప్రాంతాన్ని గురువారం రాత్రి లోపు ఖాళీ చేయాలని అల్టిమేటం జారీ చేశారు ఘజియాబాద్ కలెక్టర్. ​

ఒక వేళ ఖాళీ చేయిస్తే.. తాను ఆత్మహత్య చేసుకుంటానని రైతు నాయకుడు రాకేశ్ టికాయిత్​ ప్రకటించారు. ఉద్యమాన్ని నిలిపివేసే ప్రసక్తే లేదని స్పష్టం చేశారు.

ఇదీ చదవండి : సింఘు వద్ద ఉద్రిక్తత- పోలీస్ అధికారిపై దాడి