కర్ణాటక మైసూర్లో పిల్లలను చంపి ఆపై తానూ ఆత్మహత్య చేసుకుంది ఓ కర్కశ తల్లి. చరవాణిని భర్త తీసుకోవడమే ఇందుకు కారణంగా తెలుస్తోంది.
ముజమిల్, సుఫియా భార్యాభర్తలు. వీరిద్దరికి మునేజా(3), ఇనయా(1) అనే ఇద్దరు పిల్లలు ఉన్నారు. ముజమిల్ మైసూర్లోని ఓ ప్రైవేటు సంస్థలో ఉద్యోగం చేస్తున్నాడు. చాలా రోజులుగా సుఫియా చరవాణి వాడకానికి బానిసైంది. అయితే ఈ విషయంలో భార్యభర్తల మధ్య తరచూ గొడవలు జరిగేవి. తాజాగా ఆమె ఫోన్ను భర్త బలవంతంగా తీసుకొని ఉద్యోగానికి వెళ్లగా.. మనస్తాపానికి గురైన సుఫియా తన ఇద్దరు పిల్లలను హత్యచేసింది. అనంతరం ఇంట్లోని ఫ్యాన్కు ఉరివేసుకొని ప్రాణాలు విడిచింది.
మైసూర్లోని ఉదయగిరి పోలీసులు ఘటనా స్థలాన్ని పరిశీలించారు. అనంతరం సుఫియా భర్తపై కేసు నమోదు చేసి దర్యాప్తు చేస్తున్నారు.
ఇదీ చూడండి:
