భాజపా వైపు వేలెత్తితే విరిచేస్తాం: మాజీ మంత్రి

కేంద్ర మానవ వనరుల శాఖ మాజీ సహాయ మంత్రి రామ్​శంకర్​ కఠేరియా వివాదాస్పద వ్యాఖ్యలు చేశారు. భాజపా వైపు ఎవరైనా వేలెత్తి చూపితే ఆ వేలు విరిచేస్తామని హెచ్చరించారు.

కేంద్రంలో, ఉత్తర్​ప్రదేశ్​లో ఉన్న భాజపా ప్రభుత్వాలను ఎవరైనా తప్పుబడితే ఊరుకోమని హెచ్చరించారు కేంద్ర మాజీ సహాయ మంత్రి రామ్​శంకర్​ కఠేరియా.

ఉత్తర్​ప్రదేశ్​ ఎటావా లోక్​సభ స్థానం నుంచి భాజపా అభ్యర్థిగా పోటీ చేస్తున్నారాయన. బీఎస్పీ అధినేత్రి మాయావతి ముఖ్యమంత్రిగా ఉండగా తనపై పెట్టిన కేసులను ప్రస్తావిస్తూ ఓ ప్రచార సభలో ఈ వ్యాఖ్యలు చేశారు రామ్​శంకర్​.

మాయవతి నాపై చాలా కేసులు పెట్టారు. నేను పోరాడుతూ ఉన్నాను. నన్ను ఎప్పుడూ జైలుకు పంపలేకపోయారు. ప్రస్తుతం రాష్ట్రంతో పాటు కేంద్రంలోనూ మా ప్రభుత్వం ఉంది. మావైపు ఎవరైనా వేలెత్తి చూపించినట్లయితే ఆ వేళ్లను విరిచేస్తాం.
- రామ్​ శంకర్​ కఠేరియా, కేంద్ర మాజీ సహాయ మంత్రి