బిహార్ అసెంబ్లీ ఎన్నికల వేడి రోజురోజుకు పెరుగుతోంది. ఆ రాష్ట్ర మాజీ డీజీపీ గుప్తేశ్వర్ పాండేకు జనతా దళ్(యూనైటెడ్) పార్టీ.. అసెంబ్లీ టికెట్ ఇస్తే చాలా బాధాకరమని మహారాష్ట్ర కాంగ్రెస్ అభిప్రాయపడింది. మహారాష్ట్ర మాజీ సీఎం దేవేంద్ర ఫడణవీస్ భాజపా ఇన్ఛార్జిగా ఉన్న సమయంలోనే పాండే.. ముంబయి పోలీసులను అవమానించారని గుర్తుచేసింది.
మాజీ డీజీపీ పాండేకు భాజపా మిత్రపక్షాలు పార్టీలో చోటు ఇవ్వడం దురదృష్టకరమని మహారాష్ట్ర కాంగ్రెస్ అధికార ప్రతినధి సచిన్ సావంత్ అన్నారు. ఆయనకు టికెట్ ఇచ్చే అంశాన్ని భాజపా వ్యతిరేకంచకపోతే.. ఫడణవీస్నే ప్రజలు ప్రశ్నిస్తారన్నారు. మూడు దశల్లో(అక్టోబర్ 28, నవంబర్ 3, 7) జరిగే బిహార్ అసెంబ్లీ ఎన్నికలకు భాజపా సీనియర్ నేత ఫడణవీస్.. పార్టీ ఇన్ఛార్జిగా వ్యవహరిస్తున్నారు.
ముఖ్యమంత్రి నితీశ్ కుమార్ ఆహ్వానంతో.. ఇటీవలే జేడీ(యూ)లో చేరారు పాండే. ఆయనకు అసెంబ్లీ ఎన్నికల్లో పార్టీ టికెట్ ఇచ్చే అవకాశం ఉంది.
స్వచ్ఛంద పదవీ విరమణ(వీఆర్ఎస్)కు ముందు సుశాంత్ కేసును దర్యాప్తు చేసిన పాండే.. ముంబయి పోలీసులు, మునిసిపల్ అధికారులు.. కేసులో సహకరించలేదని ఆరోపించారు.
ఇదీ చదవండి: ఎన్కౌంటర్ చేయొద్దంటూ ప్లకార్డుతో లొంగిపోయిన గ్యాంగ్స్టర్
