అణ్వస్త్రాల వినియోగం అనేది భవిష్యత్తులో ఎదురయ్యే పరిస్థితులపై ఆధారపడి ఉంటుందన్నారు రక్షణ మంత్రి రాజ్నాథ్ సింగ్. అణ్వస్త్రాలు మొదట ప్రయోగించరాదన్నది ప్రస్తుతం దేశ విధానంగా ఉందని తెలిపారు. కశ్మీర్ అంశంలో దాయాది దేశం కయ్యానికి కాలుదువ్వుతున్న నేపథ్యంలో ఘాటుగా స్పందించారు సింగ్.
"భారతదేశ అణు విధానం విషయానికి వస్తే తొలుత అణ్వస్త్రాలు ప్రయోగించరాదన్నది ప్రస్తుతం దేశ విధానంగా ఉంది. భవిష్యత్తులో ఏం జరగనుంది అనేది పరిస్థితులపై ఆధారపడి ఉంటుంది. "
- రాజ్నాథ్ సింగ్, రక్షణ మంత్రి.
అటల్ బిహారీ వాజ్పేయీ తొలి వర్ధంతి సందర్భంగా .. 1998లో తొలిసారి అణు పరీక్షలు నిర్వహించిన పోఖ్రాన్ ప్రాంతాన్ని సందర్శించారు రక్షణ మంత్రి. అటల్ జీకి నివాళులర్పించారు. భారత్ను అణుశక్తిగా మార్చాలన్న అటల్ జీ సంకల్పానికి పోఖ్రాన్ ప్రాంతం నిదర్శనమని పేర్కొన్నారు. భారత్ అణ్వస్త్రాలు కలిగిన దేశం హోదా పొందటం ప్రతి పౌరునికి గర్వకారణమన్నారు. అటల్ జీకి దేశం ఎప్పటికీ రుణపడి ఉంటుందన్నారు.
ఇదీ చూడండి: కశ్మీర్పై పిటిషన్లు సరిగాలేవంటూ సుప్రీం ఆగ్రహం
