'సీఏఏ, ఆర్టికల్​ 370 రద్దు నిర్ణయాలకు కట్టుబడి ఉంటాం'

పౌర చట్టం, అధికరణ 370 రద్దుకు కట్టుబడి ఉన్నామని ప్రధాని నరేంద్ర మోదీ స్పష్టం చేశారు. సొంత నియోజకవర్గం వారణాసిలో పర్యటించిన ఆయన రామమందిర నిర్మాణానికి ట్రస్ట్ శరవేగంగా పనిచేస్తుందన్నారు.

ఉత్తర్​ప్రదేశ్​లోని వారణాసి పర్యటనలో ఉన్న ప్రధాని నరేంంద్ర మోదీ.. సీఏఏ, ఆర్టికల్​ 370 రద్దు, అయోధ్య అంశాలను ప్రస్తావించారు. అయోధ్యలో రామమందిర నిర్మాణం కోసం ఏర్పాటు చేసిన శ్రీరామ జన్మభూమి తీర్థ క్షేత్ర ట్రస్ట్ వేగంగా పనిచేస్తుందని స్పష్టం చేశారు.

"సీఏఏ, ఆర్టికల్​ 370 రద్దు నిర్ణయాలకు కట్టుబడి ఉన్నాం. దేశ అవసరం కోసమే వీటిని తీసుకొచ్చాం. మాపై ఒత్తిడి ఉన్నప్పటికీ మా నిర్ణయాలపై పునరాలోచించం."

- నరేంద్రమోదీ, ప్రధానమంత్రి