కారును ఢీకొట్టిన బస్సు.. ఆరుగురు మృతి

ఉత్తర్​ప్రదేశ్​ కాన్పుర్​లో ఓ బస్సు కారును ఢీ కొట్టిన దుర్ఘటనలో ఆరుగురు మృతి చెందారు. మరో 9 మంది తీవ్రంగా గాయపడ్డారు. క్షతగాత్రులను ఆస్పత్రికి తరలించారు.

ఉత్తర్​ప్రదేశ్​ కాన్పుర్​లో ఘోర రోడ్డు ప్రమాదం జరిగింది. బిల్హౌర్​ ప్రాంతంలో ఓ వోల్వో బస్సు కారును ఢీ కొట్టింది. ఈ దుర్ఘటనలో ఆరుగురు అక్కడికక్కడే ప్రాణాలు కోల్పోయారు. మరో 9 మందికి తీవ్ర గాయాలయ్యాయి. స్థానికుల సాయంతో క్షతగాత్రులను ఆస్పత్రికి తరలించారు.

ఆగ్రా-లఖ్​నవూ ఎక్స్​ప్రెస్​ రహదారిపై.. బిల్హౌర్​లోని మకన్​పుర్ సమీపంలో ఈ ప్రమాదం జరిగింది. ఈ ఘటనలో కారులోని ఐదుగురు సహా బస్సు డ్రైవర్​ మృతి చెందాడు. ​

కారును ఢీకొట్టిన వోల్వో బస్సు

ఇదీ చూడండి: 'ఆర్థిక ఒత్తిళ్ల' సంచితో భారత్​ పర్యటనకు ట్రంప్​..!