స్వదేశీ బ్యాంకుల్లో రూ. 9వేల కోట్ల రుణాలు ఎగవేసి విదేశాలకు పారిపోయిన పారిశ్రామిక వేత్త విజయ్మాల్యాను భారత్కు అప్పగించే అంశం కీలక మలుపు తిరిగింది. భారత్కు అప్పగించాలన్న కోర్టు తీర్పు మేరకు సంబంధిత దస్త్రంపై బ్రిటన్ ప్రభుత్వం సంతకం చేసింది. ఈ ఆదేశాలను సవాలు చేసేందుకు అనుమతి ఇవ్వాలని కోరుతూ లండన్ హైకోర్టులో విజయ్మాల్యా చేసిన అప్పీలు మంగళవారం విచారణకు రానుంది.
లిఖితపూర్వకంగా అప్పీలు చేసేందుకు ఇప్పటికే మాల్యా అనుమతి కోల్పోయారు. ఈ నేపథ్యంలో మౌఖికంగా అప్పీల్కు అనుమతి కావాలని కోరారు మాల్యా.
అప్పీలు చేసుకునేందుకు అనుమతి సాధించనట్లయితే 28 రోజుల్లోగా మాల్యాను భారత్కు అప్పగించవలసి ఉంటుంది. అప్పీలుకు అనుమతి వస్తే యూకే హైకోర్టులో వాదనలు కొనసాగుతాయి.
భారత్కు రాకుండా ఉండేందుకు మాల్యాకు మరో అవకాశం ఉంది. ఐరోపా మానవ హక్కుల కోర్టును ఆశ్రయించవచ్చు. భారత్కు అప్పగిస్తే తనకు అపాయం జరుగుతుందని, హింసిస్తారని నిరూపించగలిగితే మాల్యా అప్పగింతకు వ్యతిరేకంగా ఐరోపా మానవ హక్కుల కోర్టు నిర్ణయం తీసుకునే అవకాశం ఉంది.
ఇదీ చూడండి: మధ్య దిల్లీలో ఆలయం ధ్వంసంతో ఉద్రిక్తత
