కూరగాయల వ్యాపారికి రూ.110 కోట్ల జీఎస్​టీ నోటీసులు

అతనో కూరగాయల వ్యాపారి. రోజు వారీ బేరం మహా అంటే 2 వేల రూపాయలకు మించి ఉండదు. ఏడాది మొత్తం సంపాదించి కూడబెట్టింది చూసినా రూ.50 లక్షలకు దాటదు. అటువంటి వ్యాపారికి జీఎస్​టీ అధికారులు షాక్ ఇచ్చారు. రూ. 110 కోట్ల పన్ను ఎగవేతకు సంబంధించిన నోటీసులు అందజేశారు.

ఒడిశా స్టీల్​ సిటీగా పేరుగాంచిన రూర్కెలాలో కూరగాయల వ్యాపారం చేసే కార్తీక్​ కమీలాకు షాక్​ ఇచ్చారు జీఎస్​టీ అధికారులు. రూ.110 కోట్ల పన్నును ఎగవేసిననట్లు అందులో ఉండడం చూసి విస్తుపోయాడు కార్తీక్​.

నోటీసులు చూపిస్తున్న వ్యాపారి కార్తీక్​

తానో సాధారణ మధ్యతరగతి మనిషినని, తనకు కూరగాయలు అమ్మడం తప్ప మరో వ్యాపారం లేదని కార్తీక్ వాపోయాడు​. అధికారులు అందజేసిన నోటీసుల ప్రకారం కోయెల్‌నగర్‌లోని లింగరాజ్ ట్రేడింగ్ సంస్థలో ఉండే మార్కెట్ కాంప్లెక్స్​కు తనకు ఏవిధమైన సంబంధం లేదని బాధితుడు పేర్కొన్నారు.