కరోనా భయంతో స్వీయ నిర్బంధంలో కేంద్రమంత్రి!

కరోనా వైరస్​ సాధారణ మనుషుల నుంచి ప్రముఖుల వరకు అందర్నీ భయపెడుతోంది. తాజాగా కరోనా సోకిందన్న అనుమానంతో విదేశాంగ శాఖ సహాయమంత్రి మురళీధరన్​ స్వీయ నిర్బంధంలోకి వెళ్లారు.

కరోనా భయంతో స్వీయ నిర్బంధంలోకి వెళ్లారు విదేశాంగశాఖ సహాయమంత్రి మురళీధరన్. మార్చి 14న కేరళ త్రివేండ్రంలోని ఓ మెడికల్ ఇన్​స్టిట్యూట్​లో జరిగిన సమావేశానికి హాజరయ్యారు మురళీధరన్. ఆ సమావేశానికి విదేశం నుంచి ఓ వైద్యుడు హాజరయ్యారు.

ఆయనకు కరోనా సోకిందని తేలడం వల్ల మురళీధరన్ స్వీయ నిర్బంధంలోకి వెళ్లినట్లు తెలుస్తోంది.

అయితే తాజాగా మురళీధరన్​కు పరీక్షలు నిర్వహించిన వైద్యులు ఆయనకు కరోనా లేదని తేల్చినట్లు సమాచారం.

ఇదీ చూడండి: మహారాష్ట్రకు కరోనా గండం- నాగ్​పుర్​లో 144 సెక్షన్​