ఆమె పాట కోసం గొడవ- డీజే మృతి

ఉత్తర్​ప్రదేశ్​లోని ఓ వివాహ వేడుకలో చెలరేగిన వివాదం ఓ వ్యక్తి మరణానికి దారితీసింది. నృత్యం చేస్తున్నప్పుడు సప్నా చౌదరీ పాట వేయలేదని ఆగ్రహించిన యువత డీజేపై దాడి చేశారు. బాధితుడు ఆసుపత్రిలో చికిత్స పొందుతూ మరణించాడు. పోలీసులు కేసు నమోదు చేసుకుని దర్యాప్తు చేపట్టారు.

ఓ వివాహ వేడకలో గాయని సప్నా చౌదరీ పాట వేయలేదని డీజే నిర్వహిస్తున్న వ్యక్తి పై దాడి చేశారు యువత. తీవ్ర గాయాలపాలైన వ్యక్తి ఆసుపత్రిలో చికిత్స పొందుతూ మరణించాడు. ఉత్తర్​ప్రదేశ్​ బులంద్​షహర్ కొత్వాల్​ పోలీస్​ స్టేషన్​ పరిధిలో ఈ ఘటన జరిగింది. 'వివాహా వేడుక సందర్భంగా డీజే పాటలకు నృత్యాలు చేస్తున్న యువత.. గాయని సప్నా చౌదరీ పాట వేయాలని డీజే నిర్వహిస్తున్న వర్గాన్ని డిమాండ్ చేశారు. వాళ్లు ఆ పాటకు ససేమిరా అన్నారు. దీంతో ఇరు వర్గాల మధ్య వివాదం మొదలైందని' ప్రత్యక్షసాక్షులు తెలిపారు.

అయితే..ఘర్షణకు దిగిన ఇరు వర్గాలకు నచ్చజెప్పే సమయంలో బాధితుడికి గుండెపోటు వచ్చిందని, అందువల్లనే మరణించినట్లు ప్రాథమికంగా నిర్ధారించామని బులంద్​షహర్​ సీనియర్​ ఎస్పీ సంతోష్ కుమార్ సింగ్​ తెలిపారు. ఘటనపై దర్యాప్తు చేస్తున్నామని చెప్పారు.

ఇదీ చదవండి : ఆన్‌లైన్‌ జూదం.. అప్పులపాలవుతున్న బాధితులు