న్యాయం కోరుతూ పోలీస్ స్టేషన్కు వెళ్లిన ఓ 16ఏళ్ల బాలికకు చేదు అనుభవం ఎదురైంది. తన ముందు డాన్స్ చేస్తేనే ఎఫ్ఐఆర్ నమోదు చేసుకుంటానని ఆ పోలీసు చెప్పడం ఆమెను షాక్కు గురిచేసింది. ఈ ఘటన ఉత్తర్ప్రదేశ్లో జరిగింది.
ఏం జరిగిందంటే.?
గోవింద్నగర్లోని పశ్చిమ దబౌలీ ప్రాంతంలో ఓ అద్దె ఇంట్లో 16 ఏళ్ల బాలిక తన కుటుంబంతో నివాసముంటోంది. వివిధ ప్రాంతాల్లో భజన కార్యక్రమాలు చేస్తూ వారు జీవనం సాగిస్తున్నారు. అయితే ఇటీవల ఇంటి యజమాని మేనల్లుడు ఆ బాలికను వేధిస్తున్నాడని ఆ కుటుంబీకులు పోలీస్ స్టేషన్లో ఫిర్యాదు చేసేందుకు ప్రయత్నించారు. ఇంతలోనే వారిని బలవంతంగా ఇల్లు ఖాళీ చేయించాడా యజమాని.
ఇదిలా ఉండగా ఆ ఇంటి యజమాని మేనల్లుడు అనూప్ యాదవ్.. జులై 26న తమ ఇంట్లోకి ప్రవేశించి దాడికి పాల్పడ్డాడని ఆమె తల్లి ఆరోపించింది. ఈ నెల 7న రాత్రి సమయంలో మార్కెట్ నుంచి ఇంటికి వస్తున్న మార్గంలో తన కుమార్తెను అత్యాచారం చేశాడని ఆమె పేర్కొంది. ఈ విషయమై నిందితుడిపై ఫిర్యాదు చేసేందుకు స్థానిక గోవింద్నగర్ పోలీసు స్టేషన్కు వెళ్లారు.
ఆ తర్వాత పోలీస్ ఇన్స్పెక్టర్ అనురాగ్ మిశ్రా తనను మళ్లీ పిలిచినట్టు బాలిక తెలిపింది. తన ముందు డాన్స్ చేస్తేనే ఎఫ్ఐఆర్ నమోదు చేసుకుంటానని ఇన్స్పెక్టర్ చెపినట్టు ఆరోపిస్తూ ఓ వీడియోను రూపొందించింది. ప్రస్తుతం ఈ వీడియో సామాజిక మాధ్యమాల్లో వైరల్గా మారింది.
ఈ పూర్తి వ్యవహారంపై గోవింద్ నగర్ సర్కిల్ ఆఫీసర్ వికాశ్ కుమార్ స్పందించారు. ఇల్లు విషయంలో ఇరువర్గాల మధ్య ముందే వివాదముందని వెల్లండించారు. అయితే పోలీసులపై ఒత్తిడి పెంచేందుకే ఆ బాలికి ఆ విధంగా వీడియో తీసినట్టు కనిపిస్తోందని పేర్కొన్నారు. పూర్తి వ్యవహారంపై దర్యాప్తు జరుగుతోందన్నారు.
ఇదీ చదవండి: పార్లమెంటు సమావేశాలు ఈసారి సరికొత్తగా...
