మహిళ చెప్పుల్లో రూ.2.5 కోట్లు విలువైన డ్రగ్స్​!

దిల్లీ నుంచి ముంబయికి వచ్చిన ఉగాండాకు చెందిన మహిళ చెప్పుల్లో 501గ్రాముల హెరాయిన్​ పట్టుబడింది. దీని విలువ సుమారు రూ.2.5 కోట్లు ఉంటుందని అధికారులు తెలిపారు.

ముంబయిలోని ఛత్రపతి శివాజీ అంతర్జాతీయ విమానాశ్రయంలో ఉగాండాకు చెందిన మహిళ తన చెప్పుల్లో డ్రగ్స్ రవాణా చేస్తూ పట్టుబడింది. దిల్లీ నుంచి వచ్చిన ఆమె దగ్గర నుంచి సుమారు రూ.2.5 కోట్లు విలువైన 501 గ్రాముల హెరాయిన్​ను​ అధికారులు స్వాధీనం చేసుకున్నారు. నార్కోటిక్స్​ చట్టాల కింద కేసు నమోదు చేసి దర్యాప్తు చేస్తున్నారు.

అంతర్జాతీయంగా డ్రగ్స్ అక్రమ సరఫరా చేసే ముఠాలో ఆమె సభ్యురాలని పోలీసులు తెలిపారు.

ఇదీ చదవండి:భారత్​లోనూ కరోనా కొత్త స్ట్రెయిన్ కలకలం!