శునకాల ప్రతిభకు ప్రేక్షకుల సలాం!

పోలీసు శునకాల నైపుణ్య ప్రదర్శనకు కేరళ తిరువనంతపురం వేదికైంది. వివిధ రాష్ట్రాలకు చెందిన 35 శునకాలు పాల్గొని తమదైన స్టైల్​తో చూపరులను కట్టిపడేశాయి.

కేరళ తిరువనంతపురంలో పోలీసు శునకాలు తమ నైపుణ్యాన్ని ప్రదర్శించి అందరినీ ఆకట్టుకున్నాయి. కెన్నెల్ క్లబ్​ ఆధ్వర్యంలో నిర్వహించిన ఈ పోటీల్లో దేశవ్యాప్తంగా పోలీసు విభాగాల నుంచి 35 శునకాలు పాల్గొన్నాయి.

ఈ పోటీలు పప్పీలు, జూనియర్​ మాధ్యమిక, ఓపెన్​ క్లాస్​, ఛాంపియన్​ క్లాస్​ విభాగాల్లో నిర్వహించారు. ఇందులో నెగ్గిన శునకాలే 'బెస్ట్​ ఇన్​ షో'కు ఎంపికవుతాయి. అందులో బాగా ప్రదర్శిస్తేనే విజేతలవుతాయి.

ఈ పోటీల్లో భాగంగా 6 ప్రత్యేక పోలీసు శునకాలు వినూత్న ప్రదర్శన చేశాయి. డాగ్ సెల్యూట్, నార్కో డిటెక్షన్ , మెటల్ డిటెక్షన్ వంటి విన్యాసాలు చేసి ప్రేక్షకులను మెప్పించాయి. ఈ కార్యక్రమానికి థాయ్​లాండ్​, ఇండోనేషియా నుంచి వచ్చిన నిపుణులు న్యాయమూర్తులుగా వ్యవహరించారు.

ఇదీ చూడండి:ధోతీ-కుర్తాతో క్రికెట్ మ్యాచ్- సంస్కృతంలో కామెంట్రీ