భారత్ను 'హిందూ పాకిస్థాన్'గా మార్చడమే భాజపా భావజాల సారాంశమని కాంగ్రెస్ సీనియర్ నాయకుడు శశిథరూర్ అభిప్రాయపడ్డారు. ఆయన కొత్తగా రాసిన 'బ్యాటిల్ ఆఫ్ బిలాంగింగ్' పుస్తకం శనివారం విడుదలైంది. ఇందులో ఒక అధ్యాయాన్ని 'హిందూ పాకిస్థాన్' అనే పేరుతో రాశారు.
"హిందుత్వ ఉద్యమం 1947లో జరిగిన ముస్లిం మతతత్వానికి ప్రతిబింబం లాంటిది. హిందుత్వ అన్న మాటకు మతంతో సంబంధం లేదు. అది రాజకీయ భావన. హిందుత్వ అన్నది రాజకీయ సిద్ధాంతం. 'హిందూ ఇండియా'లో హిందువులకు ప్రమేయం ఉండదు. సంఘ్ పరివార్కే ఉంటుంది. అదొక ప్రత్యేకమైన దేశం. భారత్ మతరాజ్యంగా మారకూడదని నాలాంటి దేశ ప్రేమికులు కోరుకుంటున్నారు. ముస్లిం పాకిస్థాన్లాగా హిందుత్వ భారత్ తయారు చేయాలని అధికార పార్టీ భావిస్తోంది. ఇందుకోసం మనం స్వాతంత్ర్య పోరాటం చేయలేదు. ఈ భావజాలం మన రాజ్యాంగంలోనూ లేదు. ఇది భారతీయత అనే మౌలిక భావనకే విరుద్ధం. నాలాంటి గర్వించే హిందువులు భాజపా భావజాలాన్ని అంగీకరించరు. గతంలో భారత భూభాగం విభజన జరిగితే ఇప్పుడు భారత ఆత్మ విభజన జరుగుతోంది" అని థరూర్ తన పుస్తకంలో వివరించారు.
ఇదీ చూడండి: 'అవును నేను అదే.. ప్రజలే నా యజమానులు!'
