రాజస్థాన్ జోధ్పుర్ జిల్లాలో ఘోర రోడ్డు ప్రమాదం జరిగింది. బాలేసర్ తాలుకా షేర్గఢ్లోని సోయితరా వద్ద ఓ ట్రక్కు, వ్యాను ఢీకొన్నాయి. ఈ ఘటనలో 11మంది అక్కడికక్కడే ప్రాణాలు కోల్పోయారు. ముగ్గురికి గాయాలయ్యాయి. ఘటనాస్థలికి హుటాహుటిన చేరుకున్న జిల్లా ఉన్నతాధికారులు సహాయక చర్యలను పర్యవేక్షిస్తున్నారు.
వేగంగా వెళ్తున్న ట్రక్కు.. ఎదురుగా వస్తున్న వ్యానును బలంగా ఢీకొట్టిందని సమాచారం. ఈ కారణంగా వ్యానులోని వారంతా ప్రాణాలు కోల్పోయారని తెలుస్తోంది. వ్యానులో మృతులైనవారిని క్రేన్ సహాయంతో బయటకు తీశారు అధికారులు.
ఇదీ చూడండి: దేశంలో కొరవడిన మేలిమి విద్య.. తక్షణ పరిష్కారం అవసరం
