దేశవ్యాప్తంగా సంచలనం సృష్టించిన తమిళనాడు ట్యూరికొరిన్ చెందిన తండ్రి, కొడుకుల లాకప్ డెత్కేసును సీబీఐకి అప్పగించాలని నిర్ణయం తీసుకుంది ఆ రాష్ట్ర ప్రభుత్వం. ఈ విషయాన్ని ముఖ్యమంత్రి పళనిస్వామి ప్రకటించారు. ప్రభుత్వ నిర్ణయాన్ని మద్రాస్ హైకోర్టుకు తెలుపుతామని చెప్పారు. కేసును సీబీఐకి బదిలీ చేసేముందు కోర్టు అనుమతి తీసుకుంటామని స్పష్టం చేశారు.
లాక్డౌన్ నిబంధనలను అతిక్రమించి.. వారి సెల్ఫోన్ దుకాణాన్ని తెరిచినందుకు పి. జయరాజ్, ఫెనిక్స్లను అరెస్ట్ చేశారు తమిళనాడు పోలీసులు. అనంతరం వారు కస్టడీలోనే ప్రాణాలు కోల్పోయారు. ఇది దేశవ్యాప్తంగా చర్చకు దారి తీసింది. ఈ ఘటనపై కారణమైన ఇద్దరు ఎస్ఐలను, నలుగురు పోలీసు సిబ్బందిని ఇప్పటికే సస్పెండ్ చేశారు.
ఇదీ చూడండి: 'అక్కడ జార్జి ఫ్లాయిడ్.. ఇక్కడ జయరాజ్-ఫెనిక్స్'
