జమ్ముకశ్మీర్‌లోని పూంఛ్ జిల్లాలో ముగ్గురు చొరబాటుదారులను భద్రతా బలగాలు మట్టుబెట్టాయి. కశ్మీర్‌లోని మేఢర్ సెక్టార్లో భారత భూభాగంలోకి చొరబడేందుకు ఈ ముగ్గురు ముష్కరులు ప్రయత్నించగా భద్రతా దళాలు వారిని హతమార్చాయి. ఈ ఘటనలో మరో నలుగురు ఉగ్రవాదులు...సైనిక బలగాల నుంచి తప్పించుకున్నారు.
అంతకుముందు.. బారాముల్లా-హంద్వారా రహదారి పక్కన పండ్ల తోటలో పేలుడు పదార్ధాలను గుర్తించారు. ఎవరికీ ప్రమాదం లేకుండా బాంబ్‌ స్క్వాడ్‌ సిబ్బంది వీటిని పేల్చి వేశారు. ఈ పేలుడు పదార్ధాలు ఎక్కడి నుంచి వచ్చాయన్న దానిపై భద్రతా దళాలు ఆరా తీస్తున్నాయి.
