వాస్తవాధీన రేఖ వెంబడి ఉద్రిక్తతలు నెలకొన్న వేళ.. భారత్-చైనా సైనికాధికారులు మరోసారి సమావేశమయ్యారు. ఈ నెల 6, 22వ తేదీల్లో వాస్తవాధీన రేఖ వద్ద చైనా వైపు ఉన్న మోల్డో ప్రాంతంలో ఇరుదేశాల లెఫ్టినెంట్‌ జనరళ్లు చర్చలు జరపగా.. ఈ సారి భారత్ వైపు ఉన్న చుషుల్‌లో భేటీ అయ్యారు.
గల్వాన్‌ లోయలో హింసాత్మక ఘర్షణల తర్వాత జూన్‌ 22న జరిగిన భేటీలో వివాదాస్పద ప్రాంతాల్లో సైనిక బలగాలను ఉపసంహరించాలని.. భారత్, చైనా ఓ అంగీకారానికి వచ్చాయి. ఈ సారి సమావేశంలో తూర్పు లద్దాఖ్‌లోని సున్నితమైన ప్రాంతాల నుంచి సైనికులను వెనక్కి రప్పించే దిశగా విధివిధానాలు ఖరారు చేయనున్నట్లు ప్రభుత్వ వర్గాలు తెలిపాయి. గల్వాన్‌ ఘర్షణల తర్వాత ఉద్రిక్తతలు తగ్గించే మార్గాలపై చర్చిస్తున్నట్లు సమాచారం.
