ప్రపంచ రికార్డు: మిమిక్రీతో భార్య.. చిత్రకళలో భర్త

ఉపాధ్యాయ వృత్తిలో కొనసాగుతున్న భార్యాభర్తలిద్దరూ వేర్వేరు  కళల్లో ప్రతిభను చాటారు. మిమిక్రీలో భార్య ప్రపంచ రికార్డు సాధిస్తే... బొమ్మలు వేయటంలో అదే రికార్డును అందుకున్నాడు భర్త. ఈ కర్ణాటక దంపతులు ఎందరికో స్ఫూర్తిగా నిలుస్తున్నారు.

కర్ణాటక మంగళూరుకు చెందిన అక్షత, చేతన్.. భార్యాభర్తలు. ఇద్దరిదీ ఉపాధ్యాయ వృత్తి. తాజాగా ఇద్దరూ తమ తమ ప్రతిభతో ప్రపంచ రికార్డును సాధించారు.

మిమిక్రీలో అక్షత..

మంగళూరులోని ఓ ప్రైవేటు పాఠశాలలో అక్షత ఉపాధ్యాయురాలిగా పనిచేస్తున్నారు. ఆమె మిమిక్రీలో దిట్ట. ఒక్క నిమిషంలోనే.. 40 రకాల పక్షులు, జంతువుల గొంతును అనుకరించి ఎక్స్​క్ల్యూజివ్​ వరల్డ్​ రికార్డులో చోటు సంపాదించుకుంది.

స్టెన్సిల్ కళలో చేతన్​..

ఉళాయిబెట్టు ప్రభుత్వ పాఠశాలలో ప్రధానోపాధ్యాయునిగా పనిచేస్తున్నాడు చేతన్. 11 అడుగుల మహాత్మాగాంధీ బొమ్మను స్టెన్సిల్ కళ ద్వారా గీసిన చేతన్​ను ఎక్స్​క్ల్యూజివ్​ వరల్డ్ రికార్డు వరించింది.

మరిన్ని లక్ష్యాలు..

ప్రపంచవ్యాప్తంగా 800 కుపైగా ఔత్సాహికులు ఈ పోటీల్లో పాల్గొన్నారు. ప్రస్తుతం 50 అడుగుల చిత్రాలను గీసేందుకు ప్రయత్నిస్తానని చెబుతున్నాడు చేతన్​. 16 గంటలు నిర్విరామంగా 300 పాటలను పాడి మరో రికార్డు నమోదు చేయాలని లక్ష్యంగా పెట్టుకుంది అక్షత.

అంతేకాదు.. అక్షత చదువుకున్న మారకాడ ప్రభుత్వ పాఠశాలకు ఆర్థిక సహాయం అందివ్వాలని నిర్ణయించుకుంది. చేతన్​ కూడా ఇదే బాటలో నడవనున్నాడు.

ఇదీ చదవండి: 'పానిపట్​'​ యుద్ధానికి సై అంటున్న సంజయ్, అర్జున్!