కొవిడ్‌-19 లాక్డౌన్ వల్ల తలెత్తిన పరిస్థితుల దృష్ట్యా డ్రైవింగ్ లైసెన్స్, వాహన సామర్థ్య ధ్రువీకరణపత్రం వంటి వాహన సంబంధ పత్రాల చెల్లుబాటు గడువును తాజాగా సెప్టెంబర్ 30 వరకు పెంచినట్లు కేంద్ర రహదారి రవాణా, జాతీయ రహదారుల మంత్రిత్వశాఖ మంగళవారం ప్రకటించింది. గతంలో ఈ గడువును జూన్‌ 30 వరకు పొడిగించిన సంగతి తెలిసిందే. "ప్రస్తుత పరిణామాల నేపథ్యంలో రవాణా రంగంలోనివారు, పౌరులు ఇబ్బంది పడకుండా ఉండేందుకు వాహన సంబంధ పత్రాలను సెప్టెంబర్-30 వరకు చెల్లుబాటు అయ్యేవిగా పరిగణించాలని రాష్ట్ర ప్రభుత్వాలకు సూచించాం" అని కేంద్ర రహదారి రవాణా, జాతీయ రహదారుల శాఖ మంత్రి నితిన్‌ జయరాం గడ్కరీ మంగళవారమిక్కడ తెలిపారు.
ఇదీ చూడండి: 'ఉద్యోగం పోతుందని ప్రతి 10 మందిలో ముగ్గురికి భయం'
