కాంగ్రెస్ నేత శశిథరూర్కు దిల్లీలోని అదనపు చీఫ్ మెట్రోపాలిటన్ మేజిస్ట్రేట్ కోర్టు సమన్లు జారీచేసింది. జూన్ 7న కోర్టు ముందు హాజరు కావాలని ఆదేశించింది. గత ఏడాది బెంగళూరులో జరిగిన ఓ కార్యక్రమంలో శశిథరూర్.. ప్రధాని నరేంద్రమోదీపై అనుచిత వ్యాఖ్యలు చేశారు. అయితే ఈ వ్యాఖ్యలు తమ విశ్వాసాలను దెబ్బతీసేలా ఉన్నాయని కొందరు తీవ్ర అభ్యంతరాలు వ్యక్తం చేశారు.
శశిథరూర్పై క్రిమినల్ పరువునష్టం దావా వేశారు దిల్లీకి చెందిన భాజపా నేత రాజీవ్ బబ్బర్. శశిథరూర్ వ్యాఖ్యలు ఓ మత విశ్వాసాలను దెబ్బతీసేలా ఉన్నాయని అభ్యంతరం వ్యక్తం చేశారు. ఈ కేసును చీఫ్ మెట్రోపాలిటన్ మేజిస్ట్రేట్ సమర్ విశాల్ విచారిస్తున్నారు.
ఈ వ్యాఖ్యలు తాను చేసినవి కాదని, ఓ ఆర్ఎస్ఎస్ కార్యకర్త మాటలను ఊటకించానని గత అక్టోబర్లో శశిథరూర్ పేర్కొన్నారు. ఆరేళ్లుగా జన బాహుళ్యంలో ఉన్న విషయాలనే తాను పేర్కొన్నానని అన్నారు. ప్రధాని నరేంద్ర మోదీపై ప్రజల్లో ఉన్న వ్యతిరేకత తెలపడానికే ఆ వ్యాఖ్యలు చేశానని ట్విట్టర్ వేదికగా వివరణ ఇచ్చారు థరూర్.
ఇదీ చూడండి: 4వ దశ ఎన్నికల ప్రచార అంకం సమాప్తం
