కశ్మీర్ బారాముల్లా జిల్లాలోని సోపోర్ ప్రాంతంలో లష్కరే తోయిబాకు చెందిన ఎనిమిది మంది ఉగ్రవాదులను పోలీసులు అరెస్టు చేశారు. కశ్మీర్లో ఆర్టికల్ 370 రద్దు అనంతరం.. కేంద్రం ఆంక్షలకు నిరసనగా ప్లకార్డులు ప్రదర్శించాలని ప్రజలను భయపెడుతున్నందుకు వీరందరినీ అదుపులోకి తీసుకున్నారు.
ఈ ప్లకార్డులు ప్రదర్శిస్తూ ప్రభుత్వానికి వ్యతిరేకంగా నినాదాలు చేయాలంటూ స్థానికులను ముష్కరులు బెదిరిస్తున్నట్లు అధికారులు తెలిపారు.
సోపోర్లో గతవారం తీవ్రవాదులు ఓ ఇంటిపై జరిపిన దాడుల్లో పసిపాపతో సహా ఒకే కుటుంబానికి చెందిన నలుగురు గాయపడ్డారు. మొదటగా హమీదుల్లా అనే పండ్ల వ్యాపారిని బెదిరించటానికి ముష్కరులు అతని ఇంటికి వెళ్లారు. ఆ వ్యాపారి ఇంట్లో లేకపోయినందున రెండున్నరేళ్ల చిన్నారితో సహా హమీదుల్లా కుటుంబానికి చెందిన నలుగురిని గాయ గాయపరిచారు. గాయపడిన వారిలో చిన్నారి పరిస్థితి విషమంగా ఉంది.
ఇదీ చూడండి:రైల్వే బంపర్ ఆఫర్: ప్లాస్టిక్ ఇస్తే ఫ్రీగా మొబైల్ రీఛార్జ్
