తాహిర్​ హుస్సేన్​ను అరెస్టు చేసిన దిల్లీ పోలీసులు

సీఏఏ అల్లర్లలో ఐబీ అధికారి హత్యకు సంబంధించి ఆరోపణలు ఎదుర్కొంటున్న ఆప్​ బహిష్కృత నేత తాహిర్​ హుస్సేన్​ను దిల్లీ పోలీసులు అరెస్టు చేశారు. దిల్లీ మెట్రోపాలిటన్​ అదనపు మేజిస్ట్రేట్​లో దాఖలు చేసిన సరెండర్​ పిటిషన్​ను కోర్టు తిరస్కరించింది. ఫలితంగా నేర విభాగ పోలీసులు తాహీర్​ను అదుపులోకి తీసుకున్నారు.

అంతకుముందు కోర్టు ఎదుట లొంగిపోయేందుకు సరెండర్​ పిటిషన్ దాఖలు చేశారు తాహీర్ హుస్సేన్​ తరఫు న్యాయవాది.  పోలీసులు అరెస్టు చేయకపోతే నేరుగా ఆయనే న్యాయస్థానం చేరుకుని లొంగిపోతారని తెలిపారు న్యాయవాది.