బిహార్ ఎన్నికల వాయిదాపై పిటిషన్​ కొట్టివేత

కరోనా, వరదల ప్రభావం తగ్గేవరకు బిహార్​ అసెంబ్లీ ఎన్నికలను వాయిదా వేయాలనే పిటిషన్​ను సుప్రీంకోర్టు తిరస్కరించింది. సీఈసీ నిర్ణయంలో జోక్యం చేసుకోలేమని తెలిపింది.

బిహార్ అసెంబ్లీ ఎన్నికలు వాయిదా వేయాలని దాఖలైన పిటిషన్​ను సుప్రీంకోర్టు తిరస్కరించింది. కేంద్ర ఎన్నికల సంఘం(సీఈసీ) నిర్ణయంలో జోక్యం చేసుకోలేమని స్పష్టం చేసింది. అన్ని అంశాలను పరిగణనలోకి తీసుకునే సీఈసీ నిర్ణయం తీసుకుంటుందని వివరించింది.

ఎన్నికల వాయిదాకు కరోనా అంశం ప్రాతిపదిక కాదని పేర్కొంది జస్టిస్ అశోక్​ భూషణ్​తో కూడిన ధర్మాసనం. ఎన్నికల షెడ్యూల్ ఇంకా రాకముందే పిటిషన్ వేయడాన్ని తప్పుపట్టింది.