భారత్లో కరోనా కేసుల సంఖ్య అంతకంతకూ పెరుగుతుంది. దక్షిణాది రాష్ట్రాల్లో భారీగా కేసులు వెలుగుచూస్తున్నాయి. మహాలో కొత్తగా 18,317మందికి కొవిడ్ పాజిటివ్గా తేలింది. మరో 481 మంది మృత్యువాతపడ్డారు. దీంతో మొత్తం కేసుల సంఖ్య 13 లక్షల 84 వేలు దాటింది. ఈ నేపథ్యంలో అక్టోబరు 31 వరకు లాక్డౌన్ పొడిగించింది రాష్ట్ర ప్రభుత్వం. మరోవైపు అక్టోబరు 5 నుంచి... 50 శాతం సామర్థ్యంతో హోటళ్లు, రెస్టారెంట్లు, ఫుడ్ కోర్టులు తెరిచేందుకు అనుమతి ఇచ్చింది.
కేరళలో రికార్డు..
కేరళలో రికార్డు స్థాయిలో 8,830 కేసులు నమోదయ్యాయి. మరో 23మంది మరణించారు. ఫలితంగా మొత్తం కేసుల సంఖ్య లక్షా 28 వేలు దాటింది.
- తమిళనాడులో కొత్తగా 5,659 మంది వైరస్ బారిన పడగా.. మరో 67 మంది చనిపోయారు. ఫలితంగా రాష్ట్రంలో మొత్తం కేసులు సంఖ్య 5 లక్షల 97వేలు దాటింది.
- దిల్లీలో తాజాగా 3,390మందికి వైరస్ సోకింది. 41మంది కరోనాతో మృతి చెందారు. దీంతో మొత్తం బాధితుల సంఖ్య 2 లక్షల 79వేల 715కు చేరింది.
- రాజస్థాన్లో ఒక్కరోజే 2,173 మందికి కరోనా పాజిటివ్గా తేలింది. 15 మంది మృత్యువాత పడ్డారు. దీంతో మొత్తం బాధితుల సంఖ్య లక్షా 35వేలు దాటింది.
మెట్రో రైలు సిబ్బంది కరోనా
కర్ణాటకలోని బెంగళూరు మెట్రో రైలు సిబ్బందికి కరోనా సోకింది. సెప్టెంబర్ 7న మెట్రో రైలు సేవలు పునః ప్రారంభించిన నాటి నుంచి ఇప్పటివరకు 28 మంది వైరస్ బారినపడ్డారు.
ఇదీ చూడండి: ఇంటి వద్దకే విద్య: గోడలనే బ్లాక్బోర్డులుగా మలిచి.!
