త్రీడీ చిత్రాలతో రోడ్డు ప్రమాదాలను నివారిస్తున్నారు గుజరాత్కు చెందిన కళాకారిణులు. అహ్మదాబాద్కు చెందిన సౌమ్య, శుక్తలాబెన్ పాండ్య... తాము గీసే చిత్రాలతో ప్రమాదాలను నివారిస్తూనే సామాజిక సందేశాలనూ అందిస్తున్నారు.
కెరీర్ ప్రారంభంలో వారు కార్పొరేషన్ అనుమతితో కంకారియా సరస్సు తీరంలో త్రీడీ పెయింటింగ్స్ వేశారు. ఆ చిత్రాల పరిమాణాన్ని కాలక్రమేణా పెంచుతూ వచ్చారు.
ప్రమాదాల నివారణ మొదలైందిలా...
ఈ ఇద్దరు చిత్రకారిణులు గీసిన చిత్రాలు ట్రాన్స్పోర్ట్ కంపెనీ అధికారులను మెప్పించాయి. సౌమ్య, శుక్తలాబెన్లనూ కలిసి తరచూ జరుగుతున్న రోడ్డు ప్రమాదాల నివారణకు పరిష్కారాన్ని సూచించాలని కోరారు.
ప్రమాదాల నివారణకు త్రీడీ చిత్రాలు రూపొందించాలని నిర్ణయించారు సౌమ్య, శుక్తలాబెన్ . మూడు నెలల పాటు మొక్కవోని దీక్షతో రకరకాల ప్రయోగాలు చేశారు. తక్కువ సమయంలోనే రోడ్డు ప్రమాదాలు నివారించేలా ఓ చక్కని డిజైన్ను రూపొందించారు.
చాలా దూరం నుంచే కనిపించే ఈ చిత్రాలు రోడ్డుపై గుంతలు సహా వివిధ రకాల అవాంతరాలు ఉన్నట్లుగా భ్రమపరుస్తాయి. రోడ్డుపై గుంత ఉందని భావించి వేగాన్ని తగ్గించుకుంటారు చోదకులు.
సౌమ్య, పాండ్య రూపొందించిన ఈ త్రీడీ చిత్రాల వల్ల జాతీయ రహదారిపై ట్రాఫిక్ నియంత్రణ అదుపులోకి వచ్చి... ప్రమాదాలు బాగా తగ్గిపోయాయి. ఈ ఇద్దరు చిత్రకారిణుల కృషి పలువురి ప్రశంసలు అందుకుంటోంది.
ఇదీ చూడండి: భారత్ చేరుకున్న ప్రధాని మోదీ
