హిమాచల్​ హిమమయం- రాకపోకలకు అంతరాయం

హిమాచల్​ ప్రదేశ్​లో మంచు విపరీతంగా కురుస్తోంది. హిమపాతం కారణంగా జాతీయ రహదారులు సహా పలు రోడ్లను మూసివేశారు అధికారులు. రాష్ట్రంలో కొన్ని చోట్ల మంచు వర్షం కురిసే అవకాశం ఉందని వాతావరణ శాఖ హెచ్చరించింది.

హిమాచల్​ ప్రదేశ్​లోని కుఫ్రీ, నార్కంద, కిన్నౌర్, ఖరపాథర్ ప్రాంతాల్లో మంచు విపరీతంగా కురుస్తోంది. పలు చోట్ల రాకపోకలకు అంతరాయం ఏర్పడింది. జన జీవనం స్తంభించింది.

విపరీతంగా కురుస్తోన్న మంచు కారణంగా పంజాబ్‌ ఫిరోజ్‌పుర్‌ను చైనా-ఇండియన్ సరిహద్దును కలిపే ద షిప్కి లా జాతీయ రహదారి(ఎన్​హెచ్​-5)ని మూసివేశారు అధికారులు. నార్కంద, ఖరపాథర్ల ప్రాంతాల్లో వాహన రాకపోకలకు అంతరాయం ఏర్పడినట్లు తెలిపారు.

మంచు విపరీతంగా కురుస్తున్న కారణంగా ఉష్ణోగ్రతలు రోజు రోజుకూ పడిపోతున్నాయి. స్థానికులు, పర్యటకులు చలికి గజగజలాడుతున్నారు.

హిమాచల్​లో మంచు దుప్పటి

చూపుతిప్పుకోనీయని దృశ్యం

శ్వేత వర్ణంతో రహదారులు

కొండలు హిమమయం

ఇదీ చూడండి:ఏనుగుని కాల్చాడు.. ఉద్యోగం పోగొట్టుకున్నాడు!