దిల్లీ ఆరోగ్యమంత్రి సత్యేంద్ర జైన్కు కరోనా సోకింది. తొలిసారి నిర్వహించిన పరీక్షల్లో నెగటివ్ రాగా.. తాజాగా కరోనా పాజిటివ్గా తేలినట్లు ప్రకటించారు వైద్యులు. తీవ్ర జ్వరం, శ్వాస సంబంధిత సమస్యలతో రాజీవ్ గాంధీ సూపర్ స్పెషాలిటీ ఆసుపత్రిలో మంగళవారం చేరారు సత్యేంద్ర జైన్. అనంతరం.. కరోనా పరీక్షలు చేయగా నెగటివ్గా తేలింది. ఇవాళ మరోసారి చేసిన పరీక్షల్లో పాజిటివ్గా రావడం గమనార్హం. ఆయనకు ఇంకా జ్వరం ఉన్నట్లు వైద్యులు వెల్లడించారు.
ఇవాళ.. దిల్లీలో ఆప్ ఎమ్మెల్యే అతిశీ సింగ్కు కూడా కరోనా నిర్ధరణ అయింది. ప్రజాప్రతినిధులు వరుసగా కొవిడ్ బారినపడుతుండటం స్థానికంగా ఆందోళన కలిగిస్తోంది.
