ఉత్తర్ప్రదేశ్లో శివుడు పాలు తాగుతున్నాడన్న వార్త విని భక్తులు పాల డబ్బాలతో ఆలయానికి పెద్ద ఎత్తున తరలివచ్చారు. అయితే లాక్డౌన్ ఉత్తర్వులను అతిక్రమించినందు వల్ల 13 మందిని పోలీసులు అరెస్టు చేశారు. రాష్ట్రంలోని ప్రతాప్గర్ శంషేర్గంజ్ ప్రాంతంలో ఈ ఘటన జరిగింది.
అరెస్టు చేసిన వారిపై ఐపీసీ సెక్షన్ 188 కింద కేసు నమోదు చేశారు. ఇంకా ఎవరెవరు ఆలయంలోకి ప్రవేశించారన్న విషయంపై విచారణ చేపడుతున్నారు పోలీసులు. శివుడు పాలు తాగుతున్నాడని అసత్య ప్రచారం చేసిన రాజేశ్ కౌశల్ అనే వ్యక్తిని పోలీసులు అదుపులోకి తీసుకున్నారు.
దయచేసి ఎటువంటి పుకార్లు సృష్టించొద్దని, లాక్డౌన్ నిబంధనలను తప్పనిసరిగా పాటించాలని స్థానికులకు పోలీసులు సూచించారు. గతవారంలో ప్రతాప్గర్ నగరంలో 6 కరోనా కేసులు నిర్ధరణయ్యాయి.
