కరోనా కష్టకాలంలో దేశ స్థూల జాతీయోత్పత్తి(జీడీపీ) భారీ క్షీణతపై కేంద్ర ప్రభుత్వం లక్ష్యంగా తీవ్ర విమర్శలు చేసింది కాంగ్రెస్. నోట్ల రద్దుతో ఆర్థిక వృద్ధి పతనం ప్రారంభమైందని ఆరోపించింది. 1996 తర్వాత ఎన్నడు లేనంతగా జీడీపీ క్షీణించడానికి ప్రభుత్వం తీసుకున్న తప్పుడు నిర్ణయాలే కారణమని ధ్వజమెత్తింది.
'జీడీపీ 23.9 శాతం క్షీణించింది. డీమానిటైజేషన్తో ఆర్థిక వృద్ధి పతనం మొదలైంది. అప్పటినుంచి ప్రభుత్వ తప్పుడు విధానాల వల్ల ఆర్థిక వృద్ధి రేటు క్షీణిస్తూ వస్తోంది.' అని ట్వీట్ చేశారు కాంగ్రెస్ అగ్రనేత రాహుల్ గాంధీ.
ఆర్థిక తిరోగమనానికి ప్రభుత్వం బాధ్యత వహించాలన్నారు మరో కాంగ్రెస్ నేత ప్రియాంక గాంధీ వాద్రా. భాజపా ప్రభుత్వమే జీడీపీ క్షీణతకు కారణమని ఆరోపించారు.
'మోదీజీ ఇప్పుడైనా అంగీకరించండి. మీరు మైలురాళ్లుగా భావించే డీమానిటైజేషన్, జీఎస్టీ, లాక్డౌన్ అమలు వంటివి జీడీపీకి విఘాతాలు' అని కాంగ్రెస్ అధికార ప్రతినిధి రణ్దీప్ సుర్జేవాలా వ్యంగ్యాస్త్రాలు సంధించారు.
కరోనా సంక్షోభం కారణంగా ఈ ఆర్థిక సంవత్సరం తొలి త్రైమాసికం(ఏప్రిల్-జూన్)లో భారత దేశ స్థూల జాతీయోత్పత్తి(జీడీపీ) 23.9శాతం క్షీణించింది. ఈ మేరకు జాతీయ గణాంకాల కార్యాలయం(ఎన్ఎస్ఓ) ప్రకటించింది.
ఇదీ చూడండి: 'మెట్రో కూతతో గ్రామాల్లో వైరస్ వ్యాప్తి తీవ్రం!'
