రిలయన్స్ గ్రూపుల ఛైర్మన్ అనిల్ అంబానీపై కాంగ్రెస్ అధ్యక్షుడు రాహుల్ గాంధీ చేసిన ఆరోపణలను ఆ సంస్థ ఖండించింది. కాంగ్రెస్ అధ్యక్షుడి ఆరోపణలు నిరాధారమైనవని వెల్లడించింది. నిరాధార, అసత్య, తప్పుడు సమాచారాలతో తమ సంస్థను ప్రస్తావిస్తూ రాహుల్ ఎన్నికల ప్రచారాలు సాగిస్తున్నారని విమర్శించింది.
యూపీఏ హయాంలోనే విద్యుత్, టెలికాం, రహదారులు, మెట్రో ప్రాజెక్టులకు సంబంధించి రూ.లక్ష కోట్ల విలువైన కాంట్రాక్టులు తమ సంస్థకు వచ్చాయని రిలయన్స్ తెలిపింది.
అనిల్ అంబానీ నిజాయితీ లేని వ్యాపారి అని రాహుల్ ఆరోపించారు. రాహుల్ ఆరోపణలపై స్పందించిన రిలయన్స్ గ్రూప్స్... అది నిజమైతే పదేళ్ల యూపీఏ పాలనలో తమ సంస్థకు ఎందుకు మద్దతిచ్చారని ప్రశ్నించింది.
ఇదీ చూడండి: "యూపీ నుంచి మనుషుల్ని రప్పించి చితకబాదుతాం"
