కాంగ్రెస్ సీనియర్ నేత రాహుల్ గాంధీ.. ఆదివారం విదేశీ పర్యటనకు బయలుదేరారు. వ్యక్తిగత కారణాల మీద రాహుల్ ఈ పర్యటనకు వెళ్లినట్టు పార్టీ వర్గాలు వెల్లడించాయి.
కొంతకాలం పాటు పార్టీ వ్యవహారాలకు రాహుల్ దూరంగా ఉంటారని కాంగ్రెస్ ముఖ్య ప్రతినిధి రణ్దీప్ సుర్జేవాలా వెల్లడించారు. "చిన్న వ్యక్తిగత పర్యటన నిమిత్తం రాహుల్ విదేశాలకు వెళ్లారు," అని సుర్జేవాలా మీడియాకు తెలిపారు. అంతకుమించి వివరాలేవీ ఆయన వెల్లడించలేదు.
అయితే రాహుల్ ఆదివారం ఉదయం ఖతార్ ఎయిర్వేస్లో ఇటలీలోని మిలాన్కు వెళ్లినట్టు తెలుస్తోంది. అక్కడ రాహుల్ అమ్మమ్మ ఉంటారు. గతంలోనూ పలుమార్లు ఆయన అక్కడికి వెళ్లారు.
కాంగ్రెస్ 136వ వ్యవస్థాపక దినోత్సవానికి ఒక్క రోజు ముందు గాంధీ ఈ పర్యటన చేపట్టారు.
ఇదీ చదవండి: 'దండం పెడుతున్నా.. ఆ చట్టాలు రద్దు చేయండి'
