పుల్వామాలో మరో నలుగురు ఉగ్రవాదులు హతం

జమ్ముకశ్మీర్​ పుల్వామాలో ఎన్​కౌంటర్​ జరిగింది. భద్రతా బలగాల కాల్పుల్లో నలుగురు ముష్కరులు హతమయ్యారు.

జమ్ముకశ్మీర్​ పుల్వామా జిల్లా లస్సిపొరాలో ఎన్​కౌంటర్​ జరిగింది. భద్రతా సిబ్బంది, తీవ్రవాదులకు మధ్య జరిగిన కాల్పుల్లో నలుగురు ముష్కరులు హతమయ్యారు. ఘటనా స్థలం నుంచి మూడు ఏకే సిరీస్​ రైఫిళ్లు స్వాధీనం చేసుకున్నారు అధికారులు.

ఉగ్రవాదులున్నారనే సమాచారంతో లస్సిపొరాలో నిర్బంధ తనిఖీలు చేపట్టాయి భద్రతా దళాలు. ముందే పసిగట్టిన ముష్కరులు వారిపై కాల్పులకు తెగబడ్డారు. సమర్థంగా తిప్పికొట్టిన సైన్యం.. నలుగురిని మట్టుబెట్టింది. వీరిని జైషే మహ్మద్​ ఉగ్రవాద సంస్థకు చెందినవారిగా అనుమానిస్తున్నారు అధికారులు.