పౌరసత్వ సవరణ బిల్లుపై ఈశాన్యాన నిరసనల హోరు

పౌరసత్వ సవరణ బిల్లుకు వ్యతిరేకంగా త్రిపురలో నిరసనలు వెల్లువెత్తాయి. కేంద్రం తక్షణమే బిల్లును ఉపసంహరించుకోవాలంటూ ఆందోళనకారులు తీవ్ర స్థాయిలో నినాదాలు చేశారు.

వివాదాస్పద పౌరసత్వ సవరణ బిల్లును కేంద్రం లోక్​సభలో ప్రవేశపెట్టడాన్ని నిరసిస్తూ త్రిపుర రాజధాని అగర్తలలో ఆందోళనలు చెలరేగాయి. తమ ఉనికికే ఇబ్బందిగా పరిణమించే ఈ బిల్లును ఉపసంహరించుకోవాలని నిరసనకారులు నినాదాలు చేశారు. ప్లకార్డులు ప్రదర్శించారు. పోలీసులు ఆందోళనకారులను అదుపులోకి తీసుకున్నారు.

బిల్లులో ఏముంది?

పాకిస్థాన్​, బంగ్లాదేశ్​, ఆఫ్గానిస్థాన్​ నుంచి వలస వచ్చిన హిందువులు, క్రైస్తవులు సహా వివిధ వర్గాలకు భారత పౌరసత్వం కల్పించేందుకు ఉద్దేశించినదే పౌరసత్వ సవరణ బిల్లు - 2019. అయితే ఈ బిల్లును కాంగ్రెస్, తృణమూల్ కాంగ్రెస్ సహా పలుపార్టీలు వ్యతిరేకిస్తున్నాయి.

ఇదీ చూడండి: ముఖంపై 20 కొడవలి పోట్లు, 200 కుట్లు- మహిళ మృతి