అనేక నాటకీయ పరిణామాల మధ్య లఖ్నవూలో విశ్రాంత ఐపీఎస్ అధికారి ఎస్ఆర్ దారాపురి నివాసానికి చేరుకున్నారు కాంగ్రెస్ ప్రధాన కార్యదర్శి ప్రియాంక గాంధీ. అనంతరం అక్కడ హజ్రద్గంజ్కు చెందిన అభయ్ మిశ్రా అనే పోలీస్ అధికారి తన భద్రతా సిబ్బందిని బెదిరించిన్నట్లు ఆరోపించారు ప్రియాంక. తనను ఎటు వెళ్లనివ్వకుండా నిర్బంధించినట్లు వెల్లడించారు. ఈ మేరకు సీఆర్పీఎఫ్ వీఐపీ భద్రతా అధికారికి లేఖ రాసింది ప్రియాంక అధికారిక కార్యాలయం. మిశ్రాపై చర్యలు తీసుకోవాలని డిమాండ్ చేసింది. ప్రోటోకాల్ను ఉల్లంఘించినట్లు పేర్కొంది.
"ఉదయం 8.45గంటలకు హజ్రత్గంజ్లో అభయ్ మిశ్రా దాదాపు 12మంది సిబ్బందితో ప్రియాంక గాంధీ ఉన్న ప్రదేశానికి అనుమతి లేకుండా వచ్చారు. అనంతరం ప్రియాంక షెడ్యూల్ను ఓ రోజు ముందే తమకి ఇవ్వాలని డిమాండ్ చేశారు. ఎటువంటి భద్రతను ఏర్పాటు చేయమని, ప్రియాంకను తన ప్రాంగణం దాటి రెండు అడుగులు కూడా వేయనివ్వమని బెదిరించారు. మరొకసారి ఇలా జరుగకుండా అభ్యంతరకరంగా ప్రవర్తించిన ఆ పోలీసు అధికారిపై తగిన చర్యలు తీసుకోవాలి. పౌరులకు స్వేచ్ఛగా తిరిగే హక్కు ఉంది, చట్టాన్ని మీరు కాపాడలి."
-ప్రియాంక గాంధీ కార్యాలయం.
ప్రియాంక గాంధీ గదికి ఐదు మీటర్ల దూరంలో ఉన్న సీఆర్పిఎఫ్ సిబ్బందితోనూ అభయ్ మిశ్రా వాగ్వివాదానికి దిగినట్లు తెలిపింది ప్రియాంక కార్యాలయం.
ఇదీ చూడండి : పోలీసులు నా మెడ పట్టుకుని కింద పడేశారు: ప్రియాంక
