సీఎంలతో మోదీ భేటీ- లాక్​డౌన్​ పొడిగింపు తథ్యం!

కరోనాపై పోరులో భాగంగా అన్ని రాష్ట్రాల ముఖ్యమంత్రులతో ప్రధానమంత్రి నరేంద్ర మోదీ వీడియో కాన్ఫరెన్స్​ నిర్వహించారు. లాక్​డౌన్​ పొడిగింపుపై చర్చించారు. ఈ విషయంపై మోదీ త్వరలోనే జాతినుద్దేశించి ప్రసంగించే అవకాశముంది.

దేశంలో కరోనా వైరస్​ విజృంభిస్తున్న తరుణంలో అన్ని రాష్ట్రాల ముఖ్యమంత్రులతో వీడియో కాన్ఫరెన్స్​ నిర్వహించారు ప్రధానమంత్రి నరేంద్ర మోదీ. రాష్ట్రాల్లోని పరిస్థితులు, త్వరలో 21 రోజుల లాక్​డౌన్​ ముగుస్తుండటం వంటి అంశాలపై చర్చించారు ప్రధాని.

ఈ భేటీ అనంతరం మోదీ మరోమారు జాతినుద్దేశించి ప్రసంగిస్తారని సమాచారం. లాక్‌డౌన్‌ను మరికొన్ని రోజులు పొడిగిస్తారని ప్రభుత్వ వర్గాలు ఇప్పటికే పరోక్షంగా సంకేతాలు ఇచ్చాయి. అయితే ఆంక్షల విషయంలో ఈ సారి అనేక మార్పులు చేస్తారని తెలుస్తోంది.

మాస్కుతో మోదీ...

తొలిసారిగా మోదీ మాస్కుతో దర్శనమిచ్చారు. ముఖ్యమంత్రులతో మాట్లాడుతున్నప్పుడు మాస్కును ధరించారు.

ఇదీ చూడండి:- రూ.500 నోట్లు చూసి గజగజ వణికిన స్థానికులు!