కర్ణాటకలోని కొడగు జిల్లా మడికేరిలో సన్నిసైడ్ వార్ మ్యూజియాన్ని రాష్ట్రపతి రామ్నాథ్ కోవింద్ శనివారం ప్రారంభించారు. మాజీ సైన్యాధిపతి కొడండెర సుబ్బయ్య తిమ్మయ్య స్మారకంగా ఈ మ్యూజియాన్ని కర్ణాటక రాష్ట్ర ప్రభుత్వం నిర్మించింది. ఇందులో సైనికుల ఆయుధాలు, మిలిటరీ యూనిఫార్మ్లు, ఓ యుద్ధ ట్యాంక్, సూపర్సోనిక్ యుద్ధ విమానం, ఎంఐజీ-21 యుద్ధ విమానాలను ప్రదర్శనకు ఉంచారు.
ఇంటినే మ్యూజియంగా..
జనరల్ తిమ్మయ్య స్వగృహాన్నే రాష్ట్ర ప్రభుత్వం మ్యూజియంగా మార్చింది. ప్రవేశంలో స్వాగతిస్తున్నట్లుగా సైనిక దుస్తుల్లో ఉన్న జనరల్ తిమ్మయ్య విగ్రహం ఉంటుంది. 1971 భారత్- పాకిస్థాన్ యుద్ధంలో సైన్యం వినియోగించిన యుద్ధ ట్యాంక్ ప్రదర్శనశాలలో ప్రత్యేక ఆకర్షణగా నిలుస్తోంది. జనరల్ తిమ్మయ్య 1957 నుంచి 1961 మధ్య సైన్యానికి చీఫ్గా సేవలు అందించారు. ఈ కార్యక్రమానికి రాష్ట్రపతి సహా ఆయన సతీమణి సవితా కోవింద్, త్రిదళాధిపతి జనరల్ బిపిన్ రావత్ సహా పలువురు అధికారులు, నేతలు హాజరయ్యారు.
ఇదీ చదవండి : ఉద్ధృతంగా చక్కా జామ్- పలు చోట్ల రైతుల నిర్బంధం
