'రాజకీయాల వల్లే నా రచనల్లో వైవిధ్యం'

రాజకీయాల్లో ఉండటం వల్ల వైవిధ్యమైన అంశాలపై రాసే అవకాశం వచ్చిందని కేంద్ర విద్యాశాఖ మంత్రి రమేశ్ పోఖ్రియాల్ అన్నారు. ప్రతిష్టాత్మక వతయన్ జీవన సాఫల్య పురస్కారాన్ని అందుకోనున్న నేపథ్యంలో ఈటీవీ భారత్​తో ప్రత్యేకంగా మాట్లాడారు. చిన్నప్పటి నుంచి రచనలపై అభిరుచి ఏర్పడిందని తెలిపారు.

కేంద్ర విద్యాశాఖ మంత్రి, ఉత్తరాఖండ్ మాజీ ముఖ్యమంత్రి రమేశ్ పోఖ్రియాల్​ ఈ నెల 21న ప్రతిష్టాత్మక వతయన్​ జీవన సాఫల్య పురస్కారాన్ని అందుకోబోతున్నారు. ఆయన రాజకీయ వేత్త మాత్రమే కాదు. ప్రముఖ రచయిత కూడా. రాజకీయాల్లో క్రియాశీలకంగా ఉంటూనే 75 వరకు పుస్తకాలు రాశారు.

వతయన్​ పురస్కారం అందుకోనున్న సందర్భంగా ఈటీవీ భారత్​తో ప్రత్యేకంగా మాట్లాడారు రమేశ్. చిన్నప్పటి నుంచే రచనలపై మక్కువ ఏర్పడిందని తెలిపారు. రాజకీయాల వల్ల వైవిధ్య అంశాలపై రాసే అవకాశం వచ్చిందన్నారు. రెండింటినీ సమతుల్యం చేయటం పెద్ద కష్టంగా అనిపించలేదని అన్నారు.

ఇదీ చూడండి: బతికించే చదువుల కోసం...