జైషే మహ్మద్ ఉగ్రసంస్థపై కీలక విజయం సాధించారు జమ్ముకశ్మీర్ పోలీసులు. గణతంత్ర వేడుకలకు ముందు శ్రీనగర్లోని పలు ప్రాంతాల్లో భారీ పేలుడుకు తీవ్రవాదులు పన్నిన కుట్రను భగ్నం చేశారు. జైషేకు చెందిన ఐదుగురు ముష్కరులను అరెస్ట్ చేశారు.
ఉగ్రవాదుల స్థావరం నుంచి భారీగా పేలుడు పదార్థాలు, మందుగుండు సామగ్రిని స్వాధీనం చేసుకున్నట్లు వెల్లడించారు పోలీసులు.
" జైషే మాడ్యూల్ను ఛేదించి శ్రీనగర్ పోలీసులు భారీ విజయం సాధించారు. గణతంత్ర దినోత్సవానికి ముందు హజ్రత్బల్ ప్రాంతంలో రెండు భారీ గ్రెనేడ్ దాడులు చేసేందుకు కుట్ర పన్నారు."
-పోలీసులు
అరెస్టయిన వారిని హజ్రత్బల్లోని సదర్బాల్కు చెందిన అజిజ్ అహ్మెద్ షేఖ్, నసీర్ అహ్మెద్ మిర్, అసార్ కాలనీకి చెందిన ఉమర్ హమీద్ షేఖ్, ఇంతియాజ్ అహ్మెద్ చిక్లా, సహిల్ ఫరూక్ గోజ్రీగా గుర్తించారు.
ఇదీ చూడండి: 'హిజ్బుల్' ఉగ్రమూకపై పోరులో కీలక విజయం
