'నిర్మలపై వేటు కోసం మోదీ బడ్జెట్ కుట్ర!'
ప్రధాని నరేంద్రమోదీపై సంచలన ఆరోపణలు చేశారు కాంగ్రెస్ అగ్రనేత రాహుల్ గాంధీ. కేంద్ర ఆర్థిక మంత్రి నిర్మలా సీతారామన్ను పదవి నుంచి తప్పించాలని చూస్తున్నారని అన్నారు.
సార్వత్రిక బడ్జెట్ను ప్రస్తావిస్తూ ట్విట్టర్లో ఈమేరకు విమర్శలు గుప్పించారు రాహుల్.
"ప్రియమైన ప్రధాని, ఆర్థిక వ్యవస్థ కుప్పకూలింది. ఈ నిందను తొలగించుకునేందుకు ఏం చేయాలా అని మీరు మెదడుకు పదునుపెట్టారు. 'దిక్కుతోచని' నిర్మలా సీతారామన్ ప్రవేశపెట్టిన 'పనికిరాని' బడ్జెట్ను ఉపయోగించుకోండి. ఆమెను పదవి నుంచి తొలగించి నిందను ఆమెపైనే మోపండి. సమస్య తీరిపోతుంది. "
-రాహుల్ గాంధీ ట్వీట్.
నోట్ల రద్దు, జీఎస్టీ వంటి విధానాలతో మోదీ ఆర్థిక వ్యవస్థను దెబ్బతీశారని ఇప్పటికే అనేకసార్లు విమర్శించారు రాహుల్.
ఇదీ చూడండి: రామమందిర నిర్మాణానికి స్వతంత్ర ట్రస్ట్: మోదీ
