జపాన్ ఒసాకాలో ఈ నెల 27, 29 తేదీల్లో జరిగే జీ-20 సదస్సులో ప్రధాని నరేంద్రమోదీ పాల్గొంటారని విదేశీ వ్యవహారాల మంత్రిత్వశాఖ తెలిపింది.
ప్రధానితో పాటు కేంద్రమంత్రి సురేశ్ ప్రభు కూడా ఈ సదస్సులో పాల్గొంటారని విదేశీ వ్యవహారాల మంత్రిత్వశాఖ అధికార ప్రతినిధి రవీశ్ కుమార్ తెలిపారు.
" జీ-20 సదస్సులో ప్రధాని నరేంద్రమోదీ పాల్గొనడం ఇది ఆరోసారి. ఈ సదస్సులో ఆయన వివిధ దేశాధినేతలతో ద్వైపాక్షిక చర్చలు జరుపుతారు."- రవీశ్కుమార్, విదేశీ వ్యవహారాల మంత్రిత్వశాఖ అధికార ప్రతినిధి
జీ-20 సభ్యదేశాలు
జీ-20లో అర్జెంటీనా, ఆస్ట్రేలియా, బ్రెజిల్, కెనడా, చైనా, యూరోపియన్ యూనియన్ దేశాలు, ఫ్రాన్స్, జర్మనీ, ఇండోనేషియా, ఇటలీ, జపాన్, మెక్సికో, రష్యా, సౌదీ అరేబియా, దక్షిణాఫ్రికా, దక్షిణ కొరియా, టర్కీ, యూకే, అమెరికా సభ్య దేశాలు.
ప్రపంచ ఆర్థిక వ్యవస్థల స్థూల ఉత్పత్తిలో జీ-20 దేశాల వాటా 90 శాతం. ప్రపంచ వాణిజ్యంలో 80 శాతం, ప్రపంచంలో మూడో వంతు జనాభా ఉంది. సుమారుగా భూగోళంలో సగ భాగం ఆక్రమించి ఉన్నాయి.
ఇదీ చూడండి: సర్వం 'యోగా'మయం: ఘనంగా
