'ఏక్ భారత్ శ్రేష్ఠ భారత్​'లో పాల్గొన్న మోదీ

'ఏక్ భారత్​ శ్రేష్ఠ భారత్'లో ప్రధాని నరేంద్ర మోదీ పాల్గొన్నారు. దేశంలోని వివిధ రాష్ట్రాలు, కేంద్రపాలిత ప్రాంతాలకు చెందిన ప్రజల్లో.. ఒకరి సంస్కృతి పట్ల మరొకరికి అవగాహన కలిగించడం దీని ముఖ్య ఉద్దేశం.

ప్రధాని నరేంద్ర మోదీ శనివారం ఆయనకు ఎంతో ఇష్టమైన 'ఏక్​ భారత్​ శ్రేష్ఠ భారత్​' కార్యక్రమంలో పాల్గొన్నారు. వివిధ రాష్ట్రాలు, కేంద్రపాలిత ప్రాంతాలకు చెందిన ప్రజల్లో... ఒకరి సంస్కృతి పట్ల మరొకరికి అవగాహన కలిగించడమే దీని ఉద్దేశం.

"ఇవాళ మామల్లపురం నుంచి తిరిగి వచ్చిన ప్రధాని మోదీ.. 'ఏక్ భారత్​ శ్రేష్ఠ భారత్' కార్యక్రమంలో పాల్గొన్నారు."- ప్రధానమంత్రి కార్యాలయం ట్వీట్​

మోదీ అధ్యక్షతన 'ఏక్ భారత్ శ్రేష్ఠ భారత్​'

ప్రధాని మోదీ వ్యక్తిగతంగా 'ఏక్​ భారత్​ శ్రేష్ఠ భారత్​' కార్యక్రమం కోసం చొరవ తీసుకున్నారు. దేశ వైవిధ్యాన్ని, సమగ్ర జాతీయ దృక్పథాన్ని మరింతగా ఇనుమడింపజేయడం... భారత దేశంలోని వివిధ సంస్కృతుల వేడుకలను ప్రోత్సహించడం ఈ మిషన్​ లక్ష్యం.

వల్లభాయ్​ పటేల్ జయంతి సందర్భంగా

సర్దార్ వల్లభాయ్ పటేల్ 140వ జయంతి సందర్భంగా 31 అక్టోబర్ 2015లో ప్రధాని మోదీ 'ఏక్​ భారత్​ శ్రేష్ఠ భారత్​' కార్యక్రమాన్ని ప్రకటించారు. 2016-17లో ఆర్థికమంత్రి తన బడ్జెట్​ ప్రసంగంలో దీనిపై చొరవ చూపించారు.

ఈ కార్యక్రమంలో భాగంగా, రాష్ట్రం, కేంద్రపాలిత ప్రజల మధ్య పరస్పర అవగాహన కోసం ఒక దానితో మరొక దానిని జతచేస్తారు.

ఇదీ చూడండి: టెక్నాలజీ: ఎంతో ఈజీగా కోరినంతమంది కవలలు..!