నాలుగు రోజులుగా ఫోన్ చేస్తున్నా రైల్వే మంత్రి నుంచి ఎలాంటి స్పందన లేదని ఆవేదన వ్యక్తం చేశారు కాంగ్రెస్ లోక్సభాపక్షనేత అధీర్ రంజన్ చౌదరి. వలస కార్మికుల అంశంపై మాట్లాడేందుకు తనకు తిరిగి కాల్ చేయాలని లేఖ ద్వారా వినతి చేశారు. దేశవ్యాప్త లాక్డౌన్ విధించిన తర్వాత ప్రధాని నరేంద్ర మోదీ, హోంమంత్రి అమిత్ షాతో పరిస్థితులపై చర్చించినట్లు చెప్పారు. వలస కార్మికులు ఒత్తిడికి గురవుతున్న విషయాన్ని వారి దృష్టికి తీసుకెళ్లినట్లు వివరించారు.
"నాలుగు రోజులుగా కొంతసమయం కేటాయించాలని రైల్వే మంత్రికి ఫోన్ చేస్తున్నాను. కానీ ప్రయోజనం లేకపోయింది. పశ్చిమ్ బంగా నుంచి వివిధ రాష్ట్రాలకు వలస వెళ్లిన వారి గురించి మీతో అత్యవసరంగా మాట్లాడాలి. దయచేసి నాకు తిరిగి ఫోన్ చేయాలని వినతి చేస్తున్నా."
-గోయల్కు లేఖలో అధీర్ రంజన్ చౌదరి.
ఇతర రాష్ట్రాల్లో చిక్కుకుపోయిన వలస కార్మికులను సొంత ప్రాంతాలకు తరలించేందుకు ఈరోజు నుంచే ప్రత్యేక రైళ్లను ప్రారంభించింది రైల్వే శాఖ. 1200మందితో తెలంగాణ నుంచి ఝార్ఖండ్కు రైలు బయలు దేరింది. కార్మికుల కోసం పలు రాష్ట్రాల్లో మరిన్ని రైళ్లు ఏర్పాటు చేయనున్నారు.
