చారిత్రక అయోధ్య తీర్పుపై సుప్రీంలో రివ్యూ పిటిషన్
వివాదాస్పద అయోధ్య భూమిలో రామమందిరం నిర్మించాలన్న సుప్రీంకోర్టు తీర్పుపై రివ్యూ పిటిషన్ దాఖలైంది. అయోధ్య కేసులో అసలు కక్షిదారుడి వారసుడు, జమైత్ ఉలామా-ఈ-హింద్ అధ్యక్షుడు మౌలానా సయ్యద్ అస్సద్ రషీదీ ఈ వ్యాజ్యం వేశారు.
రికార్డుల్లో లోపాలు స్పష్టంగా కనిపిస్తున్నాయని.. భారత రాజ్యాంగంలోని ఆర్టికల్ 137 కింద తీర్పుపై రివ్యూ కావాలంటూ పిటిషన్ దాఖలు చేశారు రషీదీ.
ఇదీ తీర్పు...
అయోధ్యలోని రామజన్మభూమి-బాబ్రీ మసీదు వివాదానికి సుప్రీం కోర్టు నవంబర్ 9న ముగింపు పలికింది. వివాదాస్పద 2.77 ఎకరాల భూమిలో రామ మందిర నిర్మాణం చేపట్టాలని స్పష్టంచేసింది. మసీదు నిర్మాణానికి.. 5 ఎకరాల స్థలాన్ని సున్నీ వక్ఫ్‌ బోర్డుకు అయోధ్యలోనే కేటాయించాలని కేంద్ర, రాష్ట్ర ప్రభుత్వాలను ఆదేశించింది.
ఇదీ చూడండి:- 'అయోధ్య'పై సుప్రీం చారిత్రక తీర్పు.. శ్రీరామ పట్టాభిషేకం
